Programas

Plan Turismo Seguro

O “Plan Turismo Seguro” ten como principal obxectivo incrementar de forma permanente a seguridade cidadá nas zonas turísticas e proporcionar unha contorna máis segura ao turista durante a súa estancia no noso país. Igualmente, pretende apoiar e contribuír activamente ás actuacións no sector polo Goberno de España e polas Administracións Autonómica e Local; ademais, pretende favorecer ao sector turístico español e cooperar no logro dun maior grao de competitividade, así como cooperar entre todas as institucións públicas e privadas que interveñen no sector turístico.

  • Ir arriba

    Servizo de Atención ao Turista Estranxeiro

    A función xeral do SATE (Servizo de Atención ao Turista Estranxeiro) é atender ás vítimas de delitos ou infraccións, no seu propio idioma, asesorándolles nas xestións relativas aos procedementos e aos documentos, derivadas do feito acaecido (cancelación de tarxetas e documentos de crédito, contacto con embaixadas e consulados, comunicación ou localización de familiares, etc.).

    Ver toda a información sobre denuncias

  • Ir arriba

    No teu vehículo

    • Durante o traxecto ao teu lugar de vacacións, extrema as medidas de seguridade respecto a o teu vehículo e pertenzas, e non pares ante requirimentos de estraños.
    • Evita deixar no teu vehículo obxectos de valor á vista ou no interior do mesmo.
  • Ir arriba

    Se utilizas transporte público

    • Non factures ao teu nome equipaxes de persoas descoñecidas.
    • Identifica as túas pertenzas antes de facturalas.
    • Evita viaxar con cantidades importantes de diñeiro enriba.
    • Non confíes o transporte das túas maletas a persoas que non estean debidamente acreditadas.
    • Se viaxas en tren ou autobús, non perdas de vista a túa equipaxe, especialmente en paradas intermedias.
  • Ir arriba

    No hotel ou apartamento

    • Non deixes á vista diñeiro ou obxectos de valor. Se existe a posibilidade, utiliza as caixas de seguridade. Se non es cidadán español, valora deixar nestas a súa documentación e portar unha fotocopia legalmente compulsada do teu documento de identidade ou pasaporte.
    • Nas zonas comúns, vixía a túa equipaxe e obxectos persoais.
  • Ir arriba

    En lugares públicos

    • Coida as túas pertenzas naqueles espazos concorridos (mercados, espectáculos, praia, piscina. etc.)
    • Evita facer ostentación de riqueza ou pertenzas.
    • Evita os xogos de azar na rúa.
    • Desconfía de axudas sospeitosas (aviso de manchas en roupa, de avarías en vehículo, etc.)
    • Cando estaciones, procura elixir os lugares máis transitados e iluminados e aqueles que estean cubertos polo campo de visión dunha cámara de seguridade.