Uns 20.000 usuarios conectábanse ao sinal

A Policía Nacional desmantela unha organización dedicada á venda ilícita de televisión de pago por Internet

Han sido detenidas cinco personas en A Coruña (3), Barcelona y Madrid que, según los investigadores, podrían haber obtenido unas ganancias ilícitas de alrededor de 1.000.000 de euros

El sistema desmantelado era muy profesional con dos servicios diferentes de televisión, uno con más canales y calidad que el otro, para adecuarse a los distintos tipos de clientes

Los agentes han realizado tres registros donde se han intervenido diez decodificadores, siete smartphones, dos ordenadores, dos tablets, 28 criptodivisas Ethereum y 1250 euros en efectivo

Material informático intervido (2)

19/02/21

Axentes da Policía Nacional han desarticulado unha organización dedicada, presuntamente, á venda ilícita de televisión de pago por Internet. Foron detidas cinco persoas na Coruña (3), Barcelona e Madrid e leváronse a cabo tres rexistros nos que se interviñeron dez decodificadores, sete teléfonos móbiles de alta gama, dous computadores, dous tablets, 28 critpodivisas Ethereum e 1250 euros en efectivos. Estímase que os arrestados poderían obter unhas ganancias ilícitas de ao redor dun millón de euros anuais.

A investigación iniciouse a principios de 2020 cando os axentes recibiron unha denuncia onde se puña en coñecemento a comercialización ilícita dese tipo de contidos. Unha vez recibida a denuncia realizáronse as xestións necesarias para identificar as persoas implicadas e, tras analizar o fluxo de pagos que existía entre os distintos investigados, puideron constatar que un deles era o principal elemento da organización criminal. Ademais comprobaron a infraestrutura que creara para difundir o sinal ilícito de televisión e que facilitaba aos demais implicados, que eran revendedores da mesma. 

A rede desmantelada estaba composta por un provedor de contidos, que é o vector fundamental xa que se encarga de facilitar o sinal de televisión coas canles que se ofrecen; os revendedores, que son os responsables de comprar ese sinal ao provedor ou revendérsela posteriormente aos usuarios finais por un prezo algo máis elevado; e os clientes finais, que contactan cos revendedores que se adoitan anunciar a través das súas propias páxinas web, redes sociais ou portais de compra-venda. 

Dada a facilidade que ofrece o sistema IPTV para difundir o sinal de televisión con independencia da localización física das persoas, detectouse que o provedor de contidos residía na localidade de Mataró (Barcelona), mentres que os outro catro implicados eran veciños de Narón (A Coruña) e Madrid. 

Rexistros nos que se acharon evidencias relativas ao funcionamento do servizo de IPTV 

Unha vez realizadas todas as xestións tendentes a localizar aos membros da organización, así como a establecer as relacións que existían entre eles e o papel que cada un xogaba, solicitouse o rexistro dos domicilios dos mesmos. Na vivenda do principal investigado, en Mataró, localizouse a infraestrutura que tiña montada para difundir o sinal, e na que mesturaba contidos que obtiña el mesmo a través dunha antena parabólica ou de decodificadores, con outros que compraba a provedores tanto nacionais como estranxeiros. No domicilio de Narón detívose a tres persoas e no de Madrid a unha máis, comprobando que, eran revendedoras do investigado en Mataró. Nos rexistros interviñéronse dez decodificadores, sete teléfonos móbiles de alta gama, dous computadores, dous tablets, 28 criptodivisas Ethereum e 1250 euros en efectivo. 

Os investigadores confirmaron que o detido de Mataró tiña montado o sistema de maneira moi profesional, ofrecendo mesmo dous servizos diferentes de televisión, un con máis canles e calidade que o outro, para adecuarse aos diferentes tipos de clientes. Así mesmo confirmouse que non trataba con clientes finais, unicamente con revendedores, como os detidos en Narón e Madrid, que posteriormente eran os encargados de tratar cos consumidores finais. 

Uns 20.000 usuarios finais e 1.000.000 de euros de beneficio 

 

En función do número de revendedores que tiña activos no momento da súa detención, estímase que o número de usuarios finais que estarían a acceder ao sinal do detido poderían ser de ao redor de 20.000. Tendo en conta que o prezo medio que paga cada un deles por acceder aos seus servizos é duns 50 euros, implicarían uns ingresos anuais de ao redor de 1 millón de euros. 

Material informático intervido (2)