Sala de prensa

Dentro de lista italiana dos máis buscados 

A investigación iniciouse o pasado 25 de abril cando os investigadores recibiron unha comunicación dos Carabinieri a través da rede ENFAST solicitando a localización e detención dun dos fugitivos da lista dos máis buscados de Italia. 

Os feitos polos que é buscado remóntanse ao ano 2006 cando o fugitivo, membro activo do clan Mazzarella facción integrante da organización criminal da Camorra, participou na introdución de 30 quilos de cocaína nas cidades italianas de Nápoles, Roma e Milán e tamén en España. Por iso foi condenado a unha pena de 4 anos de prisión, dos que quedan por cumprir máis de 3 anos tras a súa fuga.

En xaneiro de 2010, o prófugo foi considerado pola Unidade de Investigación da Polizia dei Stato Napoli como membro dunha asociación criminal destinada ao tráfico de drogas, encabezada polo clan da camorra Mazzarella. Foi incluído na lista dos cen fugitivos máis perigosos en 2013. O seu nome aparece desde hai anos relacionado co narcotráfico ao máis alto nivel, xa que se lle considera un elemento transversal entre os principais cárteles da Camorra activos en Nápoles e podería estar ao tanto de moitas actividades realizadas por eses clans. Segundo os investigadores nos últimos anos, a pesar de estar prófugo, incrementaría o manexo dos asuntos ilícitos relacionados co narcotráfico do clan Mazzarella. 

Distintos perfís en redes sociais

Nas primeiras pescudas os axentes centráronse nas redes sociais e na localización de varios perfís relacionados co fugitivo. Tamén, e grazas ao continuo intercambio de información coa policía italiana e a rede ENFAST, os investigadores localizaron o domicilio o fugitivo que se achaba na cidade de Barcelona de L´Hospitalet de Llobregat xunto á súa parella.

Con toda a información os investigadores no día de onte, 26 de abril,  estableceron un dispositivo de vixilancia nas inmediacións da súa vivenda onde foi finalmente detido.