Operación conxunta da Policía Nacional e EUROPOL

Detidos tres narcotraficantes que pretendían trasladar 101 quilos de cocaína desde unha nave industrial de Madrid

Simulaban transportar chatarra y utilizaban una furgoneta en la que ocultaban la droga en el interior de varios electrodomésticos en estado de abandono para evitar levantar sospechas

Además de la sustancia estupefaciente se han incautado de 55.000 euros en efectivo, un vehículo y cuatro teléfonos móviles

11/01/22

Axentes da Policía Nacional, nunha operación conxunta con EUROPOL, desarticularon unha organización criminal presuntamente dedicada á distribución de cocaína no noso país. Tres persoas resultaron arrestadas cando pretendían trasladar 101 quilogramos de cocaína desde unha nave industrial situada en Torrexón de Ardoz (Madrid). Simulaban transportar chatarra e utilizaban unha furgoneta na que ocultaban a droga no interior de varios electrodomésticos en estado de abandono para evitar levantar sospeitas. Ademais da sustancia estupefaciente os investigadores incautáronse de 55.000 euros en efectivo, un vehículo e catro teléfonos móbiles.

Tratando de establecerse na capital

A investigación iniciouse cando os axentes se decataron da presenza dun grupo organizado, na zona do corredor de Henares, dedicado á distribución de gran cantidade de cocaína procedente de Colombia. Ademais o grupo criminal estaba a tratar de establecerse na capital de España. Avanzadas as pescudas os investigadores lograron identificar a unha persoa pertencente á organización, responsable da compra e distribución da cocaína. Este home estivera involucrado noutras investigacións por feitos similares e era coñecido no mundo da delincuencia por ser un experimentado químico capaz de realizar de primeira man as verificacións para determinar o grao de pureza da cocaína e unha vez adquirida proceder á súa adulteración.

Posteriormente os axentes lograron identificar a outro home, man dereita do químico e encargado de coordinar os aspectos loxísticos da organización, ademais do responsable da recollida, transporte e garda da sustancia estupefaciente. Esta persoa vestíase de operario de limpeza e simulaba recoller nunha furgoneta residuos municipais para trasladar e transportar a droga desde un punto a outro da orografía madrileña.

Arrestados no momento no que recollían a droga

Unha vez avanzadas as pescudas os axentes pescudaron que os investigados planeaban a recollida da sustancia estupefaciente no interior dunha nave situada en Torrexón de Ardoz (Madrid). Tras acudir ao mencionado lugar, dúas persoas foron arrestadas cando recollían 101 paquetes de cocaína, dun quilogramo cada un, e transportábanos na furgoneta ata un lugar seguro. A droga ía oculta no interior de varios electrodomésticos en estado de abandono, que en principio ían tratados como residuos destinados a algún punto limpo. Finalmente, o químico e máximo responsable da armazón criminal, foi detido cando abandonaba o seu domicilio.

O xulgado coñecedor da causa decretou o ingreso en prisión provisional para o tres investigados. 

 

Últimas novidades