Sala de prensa

A operación saldouse coa detención de dez persoas e a intervención de 581.000 euros en efectivo, 1,5 quilogramos de cocaína, unha plantación de marihuana, dúas pistolas, cinco vehículos, teléfonos móbiles, xoias e reloxos de luxo, así como máquinas de contar diñeiro. 

A investigación iniciouse en novembro de 2020, por mor da detención dunha persoa que acababa de adquirir 100 gramos de cocaína. Tras isto, púxose en marcha a chamada “Operación Galo”, desenvolvida en dúas fases. A primeira delas realizouse o pasado mes de maio, cando se practicaron catro rexistros domiciliarios, nos que se detivo a catro persoas e localizáronse, ademais de cocaína e diñeiro en efectivo, 108 galos de pelexa que se atopaban ocultos nun chalé. A vivenda dispuña, mesmo, de bancadas preparadas para a visualización de pelexas. 

A segunda fase desenvolveuse nas últimas semanas e nela detívose a outro cinco persoas, entre elas os principais responsables da organización criminal, e realizáronse tres rexistros domiciliarios.

Comercializado ata 100 quilos de cocaína

Nesta segunda fase interveuse 574.000 euros en efectivo, once teléfonos móbiles, tres reloxos de luxo, dous vehículos, así como dúas máquinas de contar diñeiro. Os axentes tamén interviñeron documentos contables das presuntas operacións de venda de cocaína levadas a cabo pola organización, dos que se desprende que o grupo podería comercializar nos últimos meses unha cantidade próxima aos 100 quilogramos de cocaína. Aos arrestados, ao imputárselles un presunto delito de branqueos de capitais, bloqueóuselles os bens e contas bancarias.