Himno da Policía
O Himno da Policía Nacional interpretarase no Día da Policía, ou en ocasións de especial relevancia cando así se determine pola Dirección Xeral da Policía, conforme ás regras establecidas pola Resolución do 8 de xullo de 2013, da Dirección Xeral da Policía pola que se aproba o protocolo de actos institucionais da Policía Nacional.
A actitude de respecto ao Himno da Policía Nacional dos asistentes aos actos nos que sexa interpretado expresarase, no caso do persoal uniformado da Policía Nacional en posición de firmes, poñéndose en pé o resto do persoal non uniformado asistente.
Himno da Policía (Castelán)
Letra. Transcrición do audio (Galego).
Brilla nos meus ollos luz serena de temperanza
Latexa no meu peito firme o pulso da honra
Tenden as miñas mans un apoio sen distancias
Corre no meu sangue como un rio a paixón
Forxan o meu espírito a Lei e a Xustiza
Son o motivo da miña nobre vontade
Xorde a coraxe como brisa que acariña
Para velar polo Dereito e a Verdade
(Retrouso. Coro central)
POLICIA NACIONAL
O meu corazón non coñece o desalento
Tesón de ferro sostén os cimentos
Da Concordia, o Respecto e a Igualdade
POLICIA NACIONAL
Misión audaz para un mundo máis seguro
Labor tenaz en defensa do futuro
e os Valores, e a Paz en Liberdade
Aura de xúbilo cativo o meu aspecto
Sempre que afronto o Servizo e o Deber
O meu decoro tórnase aceno e baluarte
Cando é preciso ao Cidadán protexer
Visto de España con orgullo a súa Bandeira
Dou polo seu ben ata a vida sen dubidar
Coa Razón como horizonte e compañeira
O mal combato con valente Lealdade
(Retrouso. Coro central)
POLICIA NACIONAL