Sala de prensa

A investigación iniciouse a finais do pasado ano, cando as autoridades de Países Baixos remitiron un documento no que se comunicaba que un obxecto arqueolóxico e de patrimonio cultural exipcio, vendido nese país, sería comercializado ilegalmente no mercado europeo. A escultura ofrecíase durante a feira anual de arte  The European Fine Art Fair (TEFAF) en Maastricht por unha galería suíza, despois de ser comprado a unha galería xermana.  Durante a este feira, a galería helvética propietaria da escultura, tivo coñecemento de que a peza fora adquirida a un galerista español, a quen se lle vinculaba co comercio de antigüidades en zonas de conflito como o norte de África e Oriente Próximo, polo que a galería optou por entregar a escultura á policía neerlandesa.

As pescudas permitiron acreditar que a peza fora adquirida en xullo de 2015 polo responsable dun establecemento barcelonés a unha empresa internacional con sede en Bangkok.

O galerista español coñecía a orixe ilícita da peza exipcia

O galerista español xustificou a orixe da peza achegando un documento que recollía información sobre varias pezas arqueolóxicas pertencentes a unha colección española dos anos 70 e que utilizou o galerista para falsificar a orixe da escultura, con datos doutra peza similar que podería encaixar coa descrición.

O arrestado era perfecto coñecedor da orixe ilícita da cabeza exipcia intervida en Países Baixos, e executara diversas manobras para crearlle un pasado que ocultase á peza a súa verdadeira orixe co fin de introducila no mercado lícito que é o que máis beneficios achega. Os investigadores, tras as comprobacións realizadas, puideron acreditar que se trataba dun documento falso.

Por todos os feitos arrestouse ao propietario do establecemento de antigüidades como presunto responsable dos delitos de branqueo de capitais, contrabando e falsidade documental.