Na Coruña

A Policía Nacional libera a unha nena de doce anos retida tras ser entregada pola súa propia familia para saldar unha débeda

Sete persoas, entre elas a nai da menor, foron detidas en Córdoba e A Coruña por delitos de trata de seres humanos, detención ilegal e abuso sexual continuado

19/04/21

Axentes da Policía Nacional han liberado a unha nena de doce anos retida na Coruña tras ser entregada pola súa propia familia para saldar unha débeda de 4.000 euros.

Sete persoas foron detidas pola súa presunta implicación nos feitos, entre elas a nai da menor, a quen se lles imputan os delitos de trata de seres humanos, detención ilegal e abuso sexual continuado.

Venda da menor en Córdoba

As investigacións comezaron durante o pasado mes de marzo, cando axentes da Policía Nacional de Córdoba tiveron coñecemento do posible matrimonio forzado dunha menor de doce anos como pago dunha débeda de 4.000 euros contraída pola súa familia con outro clan. Segundo as primeiras informacións recibidas, a menor, tras ser forzada a manter relacións sexuais e celebrar unha cerimonia, foi trasladada fóra da cidade andaluza.

Tras as xestións practicadas coa nai da menor, e as oportunas comprobacións no colexio no que se atopaba escolarizada, iniciáronse as xestións para a localización da menor. As investigacións levaron aos axentes ata A Coruña, onde foron identificados os membros da familia que presuntamente compraran á menor.

Por mor desta información, estableceuse un dispositivo de vixilancia, procedéndose posteriormente a unha entrada e rexistro no domicilio onde tiñan recluída á menor, que deu como resultado a súa liberación e a detención de tres dos investigados. De forma coordinada, detívose en Córdoba a outro catro implicados, entre eles, a nai da menor e a súa parella. Os sete detidos foron postos a disposición da autoridade xudicial, quen decretou medidas privativas de liberdade para todos eles.