Sala de prensa

A investigación iniciouse a principios do pasado mes de novembro cando  axentes pertencentes á UDYCO da Xefatura Superior de Policía, o cal, ten entre as súas funcións a localización e detención de fugitivos, tivo coñecemento de que un prófugo da xustiza, con seis ordenes de detención e ingreso en prisión e dúas ordes de detención e comparecencia en vigor emitidas por distintos xulgados de Valencia e Teruel, ocultábase na comarca valenciana do Camp do Turia.

Os axentes, tras localizar un chalé situado nunha zona illada onde presumiblemente se ocultaba, estableceron un dispositivo de vixilancia que confirmou as súas sospeitas e comprobaron que o investigado ocuparía o inmoble e residía alí xunto á súa muller, da que ademais tiña unha orde de afastamento en vigor, e os fillos de ambos.

Tras comprobar que o home non abandonaba en ningún momento a vivenda co fin de permanecer oculto, os investigadores solicitaron un mandamento de entrada ao Xulgado que culminou de madrugada cun operativo de asalto á mesma e a detención do sospeitoso.

O operativo contou co apoio dos GOES e do Servizo de Medios Aéreos de Valencia para evitar que o reclamado puidese darse á fuga, dada a extensión e o illamento da parcela. O detido, con numerosos antecedentes policiais, foi posto a disposición xudicial