Programa Colectivos Cidadáns

Estafa do premio de lotería

  • Ir arriba

    Como contactan coas vítimas?

    Delincuentes organizados que actúan dende outros países, realizan envíos masivos e diarios de cartas ou mensaxes de correo electrónico a persoas do noso país. Nas devanditas comunicacións anuncian ao destinatario que foi agraciado cun cuantioso premio nun sorteo relativo a unha promoción dunha lotería estranxeira, aínda que o receptor da carta non participase en sorteo algún.

    Na notificación indícaselle que para cobrar o premio debe encher, cos seus datos persoais e bancarios,, un formulario que se adxunta á carta e que debe devolver vía fax á entidade depositaria dos fondos do premio, encargada do seu pago. Os números de teléfono e fax desa entidade que figuran no documento recibido corresponden a teléfonos estranxeiros, case sempre móbiles, que son atendidos polos delincuentes.

    Coa finalidade de convencer á vítima de que a mensaxe é auténtica, no documento de notificación do falso premio insírense logotipos similares aos de empresas aseguradoras ou bancarias de prestixio, ou incluso dalgún Ministerio.

  • Ir arriba

    Consumación da estafa

    A estafa consúmase cando o suposto gañador envía aos estafadores o diñeiro que estes lle reclaman co pretexto de cubrir determinados gastos (taxas, impostos, comisións bancarias, gastos de transferencia, seguros, etc.) que é necesario atender con carácter previo para cobrar o premio.

  • Ir arriba

    Se recibes unha comunicación deste tipo

    Se recibes unha comunicación deste tipo, ten en conta:

    • Diariamente, decenas de miles de persoas reciben notificacións de falsos premios de lotería similares á recibida por ti.
    • Nin a lotería española, nin a doutros países celebran sorteos gratuítos entre persoas seleccionadas ao azar ou por computador.
    • Para participar nun sorteo de lotería é imprescindible comprar previamente unha participación. Se non xogaches é imposible que sexas gañador dun premio de lotería.
  • Ir arriba

    Recomendacións

    • Non respondas ás mensaxes recibidas
    • Non envíes nin entregues copia dos teus documentos de identidade.
    • Non facilites datos das túas contas bancarias ou tarxetas de crédito. Debes saber que os teus datos de identidade poden ser utilizados polos delincuentes para cometer delitos no teu nome, para acceder ás túas contas bancarias ou para abrir liñas de crédito ao teu nome.
    • Non pagues ningunha cantidade