Atxilotuak Madrilen

Polizia Nazionalak bi pertsona atxilotu ditu Francis Bacon artistaren bi margolan jasotzeagatik

2015ean Madrilgo etxebizitza batean lapurtutako bost koadroetatik hiru berreskuratu dira orain arte, eta horietako bakoitzaren balioa 5.000.000 eurokoa da

Ikerketak irekita jarraitzen du, harik eta gainerako bi lanak berreskuratu eta gertaeretan nahasita egon zitezkeen beste pertsona batzuk atxilotu arte

01/03/24

Polizia Nazionaleko agenteek bi pertsona atxilotu zituzten atzo Madrilen, Francis Bacon artistaren bi margolan (bakoitzak 5.000.000 euroko balioa du) hartzea egotzita. 2015. urtean Madrilgo etxe batean lapurtu zituzten bost koadroetatik hiru berreskuratu dituzte orain arte.

Ikerketa 2015ean hasi zen, Madrilgo etxebizitza batean Francis Bacon artistaren bost margolan ostu ostean; guztira, 25 milioi euroko balioa zuten margolan horiek.

Ondare Historikoko Brigadako agenteek egindako ikerketen ondorioz, bi gizonezko atxilotu dituzte Madrilen, ustez, lapurtutako koadroetako biren errezibitze delitua egotzita. Ikerketei esker jakin ahal izan dutenez, oraindik berreskuratu gabe zeuden bi koadroak atxilotuen esku egon ziren. Bi atxilotu horiez gain, ikerketa abiatu zutenetik guztira 14 pertsona atxilotu dituzte, ustez inplikatuta zeudenak, eta lapurtutako bost koadroetatik hiru berreskuratu dituzte. Ikerketak zabalik jarraitzen du, gainerako bi lanak berreskuratu eta gertakariekin zerikusia izan zezaketen beste pertsona batzuk atxilotu arte.

Azken prentsa-oharrak