Bi biktima aske eta lau atxilotu Madrilen

Polizia Nazionalak biktimak esklabo bihurtzen zituen erakunde kriminal bat desegin du, sexu-esplotazioan aritzen zena

Zuzeneko senideen eta sexu zerbitzuak eskaintzen zituzten webguneen bidez atzematen zituzten emakumeak. 24 orduz egiten zuten lan asteko zazpi egunetan, arropa sentsualarekin egin behar zuten lo, eta makillatuta egon behar zuten beti, bezeroren bat azaltzen bazen ere

Biktimek ezin zioten uko egin inolako sexu-zerbitzuri. Bezeroa gustura geratzen ez bazen, zigortu egiten zen beste zerbitzu bat ematera, dirurik jaso gabe, eta erantzuleak zenbateko osoarekin geratzen ziren

Polizia Nazionalak 900 10 50 90 telefono-linea du, eta posta trata@policia.es, herritarren laguntza errazteko eta horrelako delituen salaketa anonimo eta konfidentziala egiteko. Deia ez da telefono-fakturan agertzen.

08/07/23

Polizia Nazionaleko agenteek bi biktima askatu eta lau pertsona atxilotu dituzte Madrilen. Operazio horrekin, sexu-esplotazioan aritzen zen eta biktimak esklabo egiten zituen erakunde kriminal bat desegin dute. Zuzeneko senideen eta sexu zerbitzuak eskaintzen zituzten webguneen bidez atzematen zituzten emakumeak. 24 orduz egiten zuten lan asteko zazpi egunetan, arropa sentsualarekin egin behar zuten lo, eta makillatuta egon behar zuten beti, bezeroren bat azaltzen bazen ere. Biktimek ezin zuten inolako sexu zerbitzurik errefusatu. Bezeroa gustura geratzen ez bazen, beste zerbitzu bat egin beharrarekin zigortzen zen, inolako dirurik jaso gabe, eta erantzuleak zenbateko osoarekin geratzen ziren. Polizia Nazionalak 900 10 50 90 telefono-linea du, eta trata@ policia.es posta, herritarren laguntza errazteko eta halako delituen salaketa anonimoa eta konfidentziala egiteko. Deia ez da telefono-fakturan ageri.

Sexu-esklaboak

 

Erakundeko kideek senide zuzenen bidez edo sexu-zerbitzuak eskaintzeko erabilitako webguneetako iragarkien bidez atzematen zituzten biktimak. Sare hori bere zaurgarritasun ekonomiko eta pertsonalaz baliatzen zen, biktimak oso egoera larrian zeudelako, bai jatorrizko herrialdean, batez ere Hego Amerikan, bai lurralde nazionalean.

 

Behin biktima arduradunekin harremanetan jarrita, sare kriminalak buruzagietako batekin elkarrizketa pertsonala izateko hitzordua jartzen zion. Gezurrezko promesekin engainatzen zituzten: diru kopuru handiak, ordutegi murriztuak, zerbitzu sexualak hautatzeko autonomia eta mugimendu- eta ordutegi-askatasun osoa irabaziko zituztela. Diru-sarreren portzentaje txiki bat baino ez zutela entregatuko ziurtatzen zitzaien, publizitateko ordainsari soil gisa.

 

Emakumeak sareak gobernatzen zituen prostituzio-etxeetara iristen zirenean, zein baldintza erreal eta negargarritan jasan behar zituzten esaten zieten, esklabotzatik hurbil zegoen erregimen zorrotz batean.

 

 

Zigortuta, bezeroa gustura geratzen ez bazen

 

Biktimek 24 orduz lan egin behar zuten asteko zazpi egunetan, arropa sentsualarekin egin behar zuten lo, eta makillatuta egon behar zuten beti, bezeroren bat azaltzen bazen ere. Goizaldean bazetorren, gainontzeko emakumeek gelatik atera edo komunean ezkutatu behar izaten zuten, kideak une horretan bertan prostituzioan jardun zezan. Sexu zerbitzu bakoitzagatik ordaintzen zen kopurutik –60 eta 120 euro artean– gehienez 25 eurorekin soilik geratzen ziren biktimak, etxeko erregeordeak zuzenean kobratzen baitzion bezeroari. Diru sarrera horrekin beren mantenuari, tresnei eta komuneko papera ordaindu arte egin behar zioten aurre.

 

Biktimek ezin zuten inolako sexu zerbitzurik errefusatu. Zigortu egiten zituzten, bezeroren bat gustura geratzen ez bazen. Antolakuntzarentzat beste doako zerbitzu bat egitea zen, inplikatuek zerbitzu berriaren zenbateko osoa beretzat hartzen baitzuten. Sareko kideek arma zuriekin mehatxatzen zituzten, deportazioarekin beldurtzen zituzten Espainian zuten egoera irregularra zela eta, eta kexatzen zirenak edo etxetik ateratzea eskatzen zutenak umiliatu egiten zituzten. Giltzaperatu egiten zituzten menderatu arte, eta egunero behartzen zituzten substantzia estupefazienteak kontsumitzera.

 

 

Ikerketa poliziala

 

Operazioaren ondorioz, lau pertsona atxilotu dituzte Madrilen, sexu-esplotazioa helburu duten Gizakien Salerosketa delituak leporatuta, prostituzioa, legez kanpoko atxiloketa eta talde kriminaleko kide izatea egotzita, eta bi biktima askatu dituzte Madrilen ere.

 

Madrilen sartu eta miatzeko hiru eginbide egin dituzte, eta 5.000 euro baino gehiago eskudirutan, hiru doitasun-balantza, sei telefono-terminal eta ikerketarekin lotutako hainbat dokumentazio atzeman dituzte.

Azken prentsa-oharrak