Espainia osoan jarduten zuten zortzi atxilotu daude

Polizia Nazionalak SIM swapping bidez iruzur bankarioa egiten zuen talde kriminal bat desegin du

Biktimen kontuetara sartzeko informazio pertsonala eta bankuko datuak mezu maltzurren bidez lortzen zituzten, banku baten itxura eginez

Biktimen identitatea usurpatzen zuten dokumentu ofizialen faltsifikazioaren bitartez, eta telefonia dendetako langileak engainatzen zituzten SIM txartelen kopia lortzeko, txartel horietan bankuen segurtasuna baieztatzeko mezuak jasotzen baitzituzten, biktimen kontuak husteko aukera emanez.

10/02/22

Polizia Nazionaleko agenteek talde kriminal bat desegin dute, ustez, SIM txartelak bikoiztuz bankuetan iruzurra egitea egotzita.

Katalunian finkaturiko zortzi atxilotu daude eta Espainia osoan jarduten zuten, mezu maltzurren bidez eta banku baten plantak eginez, dokumentu ofizialen faltsifikazioaren bitartez beren identitatea usurpatzen zieten biktimen kontuetara sartzeko informazio pertsonala eta bankuko datuak eskuratzen zituztenak. Horrekin, telefonia dendetako langileak engainatzen zituzten, SIM txartelen kopia lortzeko eta, horrela, bankuaren segurtasuna baieztatzeko mezuetara sarbidea izateko. Horrela, online bankan jardun zezaketen eta banku-kontuetara sartu, bankuen segurtasuna baieztatzeko mezuak jaso ondoren husteari ekiteko.

Lehenengo ikerketak iazko martxoan izan ziren, agenteek bi salaketa jaso zituztenean iruzurrezko banku-transferentziengatik, Espainiako hainbat puntu geografikotan. Bi kaltedunek salatu zuten beren baimenik gabe sartu zirela bankuen mugimenduak egiteko online bankan. Hasierako urratsak urruneko lekuetan egin bazituzten ere, ikerketek Bartzelonako probintziara eraman zituzten ikertzaileak, eta han, orain atxilotutakoek iruzur egindako dirua zuritzen zuten, banku-transferentzien eta berehalako ordainketako plataforma digitalen bidez jardunez.

NANaren argazkia manipulatzen zuten

Antolakuntzak erabilitako modus operandi-a phishing metodoaren aldaera tradizionalenari buruzkoa zen, hau da, SMS, posta elektroniko edo berehalako mezularitzaren bidez, non konfiantzazko pertsona edo enpresa baten itxura hartzen zuten, informazio konfidentziala lortzeko, hala nola banku-pasahitzak, kreditu-txartelen zenbakiak edo NANaren kopiak. Dokumentu fisikorik ez zutenez, baina bai fotokopia bat, argazkian agertzen zen NANaren jabe legitimoaren antzeko itxura fisikoa simulatzen saiatzen ziren eta horrela langileak konbentzitu. Metodo horren bidez, biktimen nortasuna usurpatzea lortzen zuten, SIM txartelaren kopia bat eskatzeko.

SIM txartela lortu ondoren, biktimek estaldura-seinalea galtzen zuten telefonoetan; izan ere, kopia aktibatzean, txartela berehala desaktibatzen zen eta linea atxilotuen esku geratzen zen. Une horretan, iruzurgileek bankuaren mezuak jasotzen zituzten, transakzioak baimentzeko behar ziren gakoekin. Europako hainbat herrialdetako online bankuak erabiltzen zituzten horretarako, baita biktimen izenean ere, diruaren trazabilitatea eta lokalizazioa zailtzeko.

Azkenean zortzi pertsona atxilotu zituzten –zazpi Bartzelonan eta bat Sevillan– eta hamabi banku-kontu blokeatu zituzten.

Azken prentsa-oharrak